Text scam nagpadayon

Usa ka magbabasa niining lindog misumbong nga hangtod karon nagpadayon gihapon ang text scams. Usa siya sa nakadawat niini gikan sa usa ka tawo nga nagpailang usa ka abogado ug nagdala sa ngalan nga VMR (inisyal).

Si VMR nagkanayon sa congratulatory message nga gipadala niini kaniya pinaagi sa text: "Congrats! You’re one of the lucky winners of P300,000 from Philippine Charity Foundation. Please send your complete name and address, then call me at this number (sa iyang cellphone.)"

* * *

Apan utokan sab ang atong texter. Sanglit kanunay siyang nagbasa sa atong lindog, nasayod na siya nga ang ingon niining estilo sa mensahe modus operandi sa mga mangingilad. Mao nga mi-reply siya kang VMR ug miingon: "Thanks sa imong pangilad, ha. You’re a fake."

Sumala sa atong texter, nahitabo kini karon lang bag-o. Ug ania ang cellphone number sa nagpadala kaniyag congratulatory message: 0928-7063346. Ang number sa atong texter nga gipadad-an sa maong text scam mao ang 0921-3310741

* * *

Gipatawag ko niya. Tapos he told me nga papaliton ko niya og unom ka prepaid card nga worth P300 ang matag usa. Nipalit pod dayon ko ug gipadala niya ang PIN and card number. Wala ko makahibalo nga ilad diay to. Makontak ra ba nako ang iyang cell." --0928-7018101

* * *

Bisan dugay na kaayo kining maong mga estilo sa modus apan duna lang gihapoy mailad hangtod karon. Hinuon, kinsa man sab ang dili mahaylo nga dagko god nga kantidad ang ipangsitar. Ang problema kay dili man lagi kini tinuod kondili ilad lang. Mao nga sublion ko kamo sa pag-awhag nga magbantay. Ayaw ninyo tuohi kon makadawat kamog mga text nga ingon niini. Sultihi sab ninyo ang inyong kahigalaan bahin niining maong modus operandi aron masayod ang kadaghanan.

* * *

(Sumbong ug reklamo? Text sa 0910-8105522. E-mail: [email protected].)