Tingalig nakon-sensiya si Clavel

Sa ako nang giingon, let's not condemn Rep. Clavel Martinez for what she's doing right now. Dili sayon ang iyang gihimo. Dili sayon ang pagpakig-atbang sa usa ka incumbent president. Ug malagmit, mas bug-at ang hinungdan sa iyang pagbuhat sa ingon, kay sa magpakig-away sa Presidente ug sa mga kauban niyang magbabalaud sa Sugbo.

Tingalig na-konsensiya lang siya. Lainlain man god ning atong konsensiya, ug lainlain ang iyang idiktar nato. Maoy hinungdan nga lainlain usab ang mga aksiyon ug mga lakang nga atong himoon.

Sa mga survey nga gihimo, sa wala pa ang mga isyo sa jueteng ug wiretapping, giingon nga ubay-ubay ang mituo nga dihay mga kalapasan sa miaging eleksiyon (sama sa nanglabayng mga eleksiyon, for that matter), ug gidudahan nga dunay mga efforts somewhere nga dili mapadayon ang imbestigasyon sa jueteng diha sa Senado.

Malagmit mao kini ang nakapa-konsensiya ni Clavel. Mahimong ma-sayop siya, mahimo sang ma-husto. Apan, iya ra ni. Kon nasayop siya, iyang tulobagon ang tanan. Apan, kon na-husto, mabiay-biayon siyang motulisok kanato nga waa pa ma-konsensiya, kaylagi naghuwat nga ma-authenticated ug mamatud-an ang tanan.

Apan, dinhi sa atong nasud, ngano man gyud nga generally speaking, ato mang isipon nga utang kabubut-on gikan sa Presidente ang atong pagkapili pagka-kongresista o pagka-gobernador o mayor? Unya, kon manaway tas presidente tapus pilia sa lungsod, nganlan dayon tag persona non grata. It should be the other way around. Sila didto maoy nakautang kanatog kabubut-on, ug dili kita. Di ba, Dro?