Act of contrition

Familiar kaayo ni nato, alang kanatong mga Catoliko, ilabina niadtong frequent kaayong mangompisal. Frequent tungod kay frequent man ang atong pagpakasala.

Sa gipangutana si Jesus kon ka-pila mapasaylo ang usa ka mahinulsolong tawo, siya mitubag nga dili kay kausa, kaduha, kondili, 70 times 7 … sa ato pa, makadaghan. Waay limit ang kaluoy sa Ginoo. Maoy hinungdan nga daghan nato, nagbalik-balik lang pagsugid sa mao gihapong mga sala.

Ug matag pangayo natog pasaylo, ug sa dayon nang hatag sa pasaylo, ipa-recite ang Act of Contrition, diin ang last part niini, nagkanayon:

"I firmly resolve with the help of thy grace, to confess my sins, to do penance and to amend my life."

Karon, sa tumang pagpaubos, ang atong Pangulo sa nasud, mi-confess sa iyang mga lapses in judgment, ug nangayog pasaylo sa nahitabo.

Ang isyo wala matapos sa iyang pag-angkon sa mga lapses ug pagpangayog pasaylo. Subay sa Act of Contrition, magpaabot kita nga mo-do siyag penance, ug mo-amend sa iyang kinabuhi, uban sa sinserong pagtapat sa dili na pagpakasala pag-usab.

Ato kining paabuton sa mosunod nga mga adlaw. Ato siyang mapasaylo, apan kon duna may tulobagon, kinahanglan tubagon, aron ma-kompleto ang Act of Contrition.