'Pinaka-daku' og 'pa-ngan'

Mora mag gianam-anam pag-corrupt sa taga-radyo ang atong pinulongang Sugbuanon. Unya, tungod lagi kay pirmeng madungog sa radyo, mao na lang poy sundon sa mga tawo, labi na sa mga batan-on.

Pananglitan, sa among panahon, kon makakita mig daku kaayo nga kahoy, uban sa mga gagmay'ng kahoy, moingon mi nga labing daku o kinadak-ang kahoy nga among nakit-an.

Apan karon, moingon sila nga "pinakadaku," kinutlo gikan sa Tagalog nga pinaka-malaki. Sa ato pa, ang "labing daku" ug ang "kinadak-an" giilisdan na sa Tinagalog nga "pinaka-daku."

Sa among panahon, moingon mi nga: kinalay-an, o labing layo; kinatas-an o labing taas, ug dili pinakalayo o pinakataas.

Unya, sa among panahon, mangutana mi kon "Kinsay imong ngan?" Apan karon, sumaa sa imong madungog sa radyo, mangutana sila: "Kinsay imong pangan?" Nganong pa-ngan na man? Kini, gikan gihapon sa Tinagalog nga "pangalan," gi-contract, "pa-ngan."

Dugang niini, sa among panahon, ang pulong "kaubanan," nagkahulogan og kaparyentihan, mga relatives. Apan karon, lahi na. Moingon sila nga "kaubanan sa media." Apan ang buot nilang ipasabot "kauban" diay sa media, ug dili kaparyentihan.

Sa amo sang panahon, ang pulong "nahilambigit" nag-connote og some messy, criminal, o unwholesome act. So, moingon mi nga nahilambigit sa krimen, nahilambigit sa isyo sa korupsiyon. Otherwise, moingon lang mi nga: Nalakip, o naapil sa ihap, o nisalmot sa kalingawan ug dili "nahilambigit" sa kalihokan. Taga-diin man diay ka, Dro?