GUS-VAT. Tan-awa!

Mireklamo na ang Consumer and Oil Price Watch sa nasud niining bag-ong balaod pagpatong og value-added tax (VAT) sa mga piniling produkto.

Sumala pang Raul Concepcion, ang pump price sa gasolina mahimong moabot og P48 (P48.30) kada litro kun ipadayon sa kagamhanan pagpatuman ang bag-ong balaod sa VAT ngadto sa mga produktong petrolyo.

Nakuha ni Concepcion ang maong figure gikan sa price estimate ni Rex Tantiongco, ang tigpamaba sa New Petroleum Players Association, ug kanhi chairman sa Energy Regulatory Board (ERB).

Gihimong argumento ni Tantiongco sa iyang estimation ang nagsaka nga presyo sa petrolyo gikan sa world market. Matud niya, nagsaka kanunay ang presyo sa petrolyo, wala kini magkanaog.

Ang mga kompaniya sa lana dinhi sa nasud padayon usab nga nagduwaduwa sa presyo sa petrolyo tungod kay wala pa usab sila maka-settle sa ilang refining capacity nunot sa sigeng pagsaka sa presyo sa petrolyo sa kalibutanong merkado.

Ang nagtaas usab nga presyo sa krudo posibleng mopasaka sa presyo sa petrolyo hangtod sunod bulan o human sa Hulyo 1, nga mao usab ang panahon nga ipatuman ang bag-ong balaod sa VAT.

Ang US light crude misaka ang rekord og sunodsunod makaduha, ug miigo sa 59.52 dolyares matag barel, sa wala pa kini mopatighulog ngadto sa 90 cents sa 59.37 dolyares. Ang London Brent nakit-an ang 56 cents ngadto sa 58.32 dolyares kada barel, nga miigo gyud og 58.58 dolyares.

Ang mga kontrata sa US sa katapusang upat ka bulan sa tuig, sa dihang ang panginahanglanon sa lana mikatkat gyud pag-ayo didto sa northern hemisphere, gibaligya og 60 dolyares pataas kada barel, samtang ang krudo misingit pa gyud og 61 dolyares.

Nah! Kun mahitabo nang P48 kada litro na ang gasolina, ibaligya ko na lang akong sakyanan kay akong ipalit og gasolina!