Natalong mayor ayaw isoli ang government car

ALAM n’yo bang ayaw isoli ng isang dating mayor ang sasakyan ng munisipyo kahit siya ay natalo na noong nakalipas na eleksiyon?

Ayon sa aking bubuwit, happy birthday muna kay Engr. Ramon Panlilio, Rollie Asis ng Maalikaya; Ruperto Navarrete, Jojo Mitra at Atty. Benny Laguesma.

* * *

Alam n’yo bang inirereklamo ngayon ang isang dating mayor dahil ayaw niyang ibalik ang sasakyan ng munisipyo kahit siya ay wala na sa posisyon?

Ayon sa aking bubuwit, ilang beses nang pinakiusapan at pinadalhan ng notice ang talunang mayor upang isoli na ang kanyang service car subalit hindi pa rin ibinalik.

Mabuti man lang sana kung ito ay nakapangalan sa talunang mayor, ang kaso ito ay naka-M.R. (Memorandum Receipt).

Talagang inangkin na ni Mayor ang sasakyan. Hindi na siya nahiya kahit pula ang plate number. May hang-over pa yata siya sa pagiging mayor.

Mahiya ka naman Mayor, isoli mo na ’yan! Ang kapal ng mukha mo!

* * *

Ayon sa aking bubuwit, ang government vehicle na inangkin na ni Mayor at ayaw na niyang ibalik sa kanilang munisipyo ay isang Mitsubishi SUV.

Ito ay may plate number SFV-696, kulay pula. Ito ay binili sa Subic Bay Metropolitan Authority (SBMA).

Ayon pa sa aking bubuwit, ang hepe ng pulisya sa kanilang bayan ay inatasan na rin ng kasalukuyang mayor na sabihan ang ex-mayor na ibalik ang sasakyan pero ipagpapabukas lamang siya.

Sinasabi ng dating mayor na siya mismo ang magsosoli subalit nakalipas na ang ilang taon ay hindi naman ibinabalik.

Naku sir, ibalik mo na yan para hindi ka makasuhan.

* * *

Ang mayor na ayaw magsoli ng sasakyan kahit natalo noong nakalipas na eleksiyon ay si dating mayor…

Dapat kasi ay mapagsabihan din ito ng kanilang gobernador. Kasi itong natalong mayor ay bata-bata pala ni Gob.

Ang mayor ay dating mayor sa Cavite.

Siya ay si dating Mayor Virgilio Varias ng Alfonso, Cavite.