Nahuli kasi ng mga immigration sa Japan ang mga entertainers na nakaupo sa tabi ng mga Japanese customers na mahigpit na ipinagbabawal ng kanilang batas doon. Sabi nga, hostessing ang tawag todits.
This coming week according sa assets ng mga kuwago ng ORA MISMO, daan-daan Pinay entertainers ang uuwi sa bansa dahil sa pangyayari. Wala silang trabaho kaya wala silang gagawin sa Japan!
Ipinasara kasi ng immigration ang mga club ng kanilang mga bosyo roon. Hindi masisi ang mga kababayan natin dahil hotraba ang kailangan nila sa Japan.
Mas dapat sisihin ng ating mga kababayan ang ilang bugok na officials sa Philippine Embassy dahil mukhang wala silang ginawa kundi ang magpakaang-kaang.
‘‘Anong tulong ang ginawa ng gobyerno sa ating mga entertainers?’’ tanong ng kuwagong nanghudas sa ating mga kababayan.
‘‘Wala!’’ sagot ng kuwagong Kotong cops.
‘‘Paano ngayon ang mga unsung heroes sa Japan?’’ tanong ng kuwagong manhuhuthot.
‘‘Ayon kakanta na lang sila habang pabalik sa Pinas.’’
"Nakulong pa ba ang ibang nahuli?’’
‘‘Siyempre.’’
‘‘Kawawa naman pala ang mga entertainers natin,’’ sabi ng kuwagong SPO-10 sa Crame.
‘‘Kailangang panagutan ng ilang pakaang-kaang sa gobyerno ang nangyari sa mga entertainers natin.’’
‘‘Diyan tama ka, kamote!’’