Ang Sabah Claim III

KUNG patuloy na gigipitin ang mga ilegal na Pilipinong nasa Sabah sa pamamagitan ng deportation, dapat pa bang imantine ng Pilipinas ang option to claim Sabah?

Maaaring sari-saring opinyon ang maririnig natin mula sa ating mga kababayan. May magsasabing dapat porke ito’y alang-alang sa pagmamahal sa bayan.

May magsasabi rin siguro (especially the more pragmatic) huwag na lang kung ang mahihirapan ay ang libu-libo o milyun-milyon nating kababayang kailangang magtrabaho doon. At kung tutuusin, ano naman ang ikakaya ng Pilipinas sa isang bansang may malakas na hukbong sandatahan.

Wala namang diretsang sinasabi ang Malaysian government na ang pagpapatalsik sa mga ilegal na Pilipino ay dahil sa hindi binibitiwang claim ng Pilipinas sa Sabah. Pero ito’y isang bagay na di na dapat sabihin pa ng Malaysia. The message is clear,

Hindi lang ngayon nangyari ang pagmamaltrato sa ating mga kababayan. Mantakin mo ang reklamo ng ilan sa mga ipinatapong Pinoy hinggil sa pananakit sa kanila ng mga awtoridad na Malaysians. Walang sinisino. Walang sinasanto kahit bata, matanda, babae o lalaki.