Mga dapat gawin ng mga may sore eyes

DUMARAMI na ang may sore eyes. Ang sore eyes ay buhat sa isang virus. Ang pamumula na mga mata ay likha ng mikrobyo na kadalasan ay hatid ng hangin. Kapag makaramdam ng irritation sa inyong mga mata ay maghilamos kaagad, huwag kusutin ang talukap na mga mata dahil marumi ang mga kamay at daliri. Dapat na ugaliing hugasan ang mga kamay ng sabon at malinis na tubig. Importante rin ang good hygiene.

Ipinapayo ang pagkain ng mga sariwang prutas at gulay. Kapag may sore eyes ay ipinapayo na manatili na lang sa loob ng bahay para huwag makahawa.

Iwasan din maglalapit sa iba ang mga may sore eyes hanggat maaari ay huwag makipagkamayan at huwag pahawak sa mga may sore eyes dahil mahirap nang makasagap ng mikrobyo. Ipinagbabawal din ang paghuhugas ng mga mata na gamit ang ihi bilang gamot. Komunsulta sa doktor sa tamang eyedrop na gagamitin.