Military officer na namatay ayaw bendisyunan ng pari sa Camp Aguinaldo

ALAM n’yo bang ayaw magsagawa ng misa ang isang pari para sa isang namatay na military officer?

Ayon sa aking bubuwit, happy birthday muna kay Mr. Fred J. Elizalde ng Manila Broadcasting Co.; Calamba Mayor Jun Chipeco, Jolly Macuja, Medy Lorenzo ng DZJC-Laoag City; Paul Datanghel ng DZNL-La Union; Dr. Carlos Crisostomo ng UDMC at Chat Cajucom.

* * *

Alam n’yo bang isa na namang military officer ang ayaw bendisyunan ng isang paring Katoliko dahil ito ay opisyal ng Free and Accepted Masons of the Philippines?

Ayon sa aking bubuwit, ilang araw nang nakaburol ang nasabing opisyal ng military sa Camp Aguinaldo Mortuary subalit ayaw magmisa ang camp chaplain sa kanya.

Anong klaseng pari naman itong chaplain sa Camp Aguinaldo? Baka puwede siyang palitan?

Ayon sa aking bubuwit, ang military officer na namatay dahi sa sakit ay si Col. Roy Baluyot ng Philippine Air Force. Dating Past Master ng Manuel Roxas Lodge. Siya ay nakatakdang ilibing ngayong alas-dose ng tanghali sa Libingan ng mga Bayani.

Mabuti na lamang at merong isang pari ng Aglipayan church na pumalit at nakahandang magmisa sa nasabing opisyal ng Air Force.

Katulad ito sa nangyari noon sa isa namang army officer na tinanggihan ding papasukin ang bangkay sa loob ng simbahan sa Nueva Ecija. Si dating Army Col. Josefino Manayao ay napatay noon sa isang pananambang ng mga NPA sa Isabela.

Nang ilibing sa Nueva Ecija ay hindi rin nabendisyunan sapagkat tinanggihan siya ng Simbahang Katoliko.

Hamak pala na mas mabait ang mga pari ng Aglipayan church o Iglesia Filipina Independence kaysa mga paring Katoliko.

* * *

Ayon sa aking bubuwit, ang paring ayaw magsagawa ng misa sa namatay na military officer ay walang iba kundi si Fr. Claudio, military chaplain ng Camp Aguinaldo.

Ang opisyal naman ng Catholic church na nagbigay ng direktiba kay Fr. Claudio na huwag magsagawa ng funeral mass ay walang iba kundi si Bishop Arguelles.

Para kina Bishop Arguelles at Fr. Claudio, ang panalangin ng mga Masons para sa inyo ay patawarin sana kayo ng Diyos!