Kailan ko maiwi-withdraw ang aking contributions ?

Dear Sec. Mike Defensor,

Dalawang taon na akong miyembro ng Pag-IBIG Overseas Program (POP) bilang isang seaman. Buwanan akong naghuhulog ng kontribusyon at hindi pumapalya.

Maari ko bang malaman kung kailan ko puwedeng i-withdraw ang aking kontribusyon? Saan kaya ako puwedeng mag-withdraw? Paano ko po malaman kung magkano na ang kabuuang kontribusyon ko? –WILLIE NG, Jeddah, Saudi Arabia

Maaari mong i-withdraw ang iyong kontribusyon sa POP sa mga sumusunod na kadahilanan lamang:

1. Magbibitiw sa trabaho dahil sa pangkalusugang kadahilanan.

2. Total disability

3. Pagkasira ng utak o insanity

4. Pagkamatay

5. Membership maturity ng lima o sampung taon.

Maaari kang mag-file ng withdrawal ng kontribusyon sa POP Office at Branch office at Pag-IBIG Overseas Office. Dalhin lamang ang orihinal na kopya ng POP Passbook at inyong aplikasyon. Magdala rin ng SPA kung kayo ay representative ng miyembro.

Sa internet, bisitahin ang www.pag-ibigoverseas.com para malaman ang kabuuang halaga ng kontribusyon.