Naulol si Lt. Poly-poly (1)

HALOS pumutok ang butsi ni Lt. Poly-poly ang asong ulol ni Ric Water, ang utal ng mga sindikato sa Subic Customshouse sa kapuputak dahil binakbakan ng mga kuwago ng ORA MISMO noong Huwebes.

Si Lt. Poly-poly kasi ang asong mukhang baboy este mali bagman pala ni Ric Water, ang economic saboteur.

Ang dalawang mag-among gago ang gumagasgas sa pangalan ng mag-amang Mike at Mickey Arroyo tungkol sa smuggling ng mga sasakyan sa Subic.

Ang mga tungaw este ang mga economic saboteurs sa Subic ay nanggagalaiti dahil gusto pala ng mga tarantado na ipa-master ang Chief Kuwago. Ika nga, ipapatay sa anumang paraan para hindi mabulgar ang kanilang katungawan este mali kagaguhan pala.

Halos mapatid ang litid ni Lt. Poly-poly nang magbida ito ng istorya sa mga bulong brigade ng mga kuwago ng ORA MISMO. Gusto kasi ng asong baboy ni Ric Water na makipagbarilan ang chief Kuwago sa kanya.

Pinagyayabang pa ng asong baboy ni Ric Water na mapo-promote siya sa pagka-bulldog este mali Kapitan pala ng mga bopol diyan sa Subic dahil malakas ang padrino raw niyang Iglesia ni Cristo. Totoo ba ito Ka Erdie Manalo, Your Eminence? Pati INC ginagamit ng asong baboy ni Ric Water. Talagang wala kayong kagalang-galang. Ok ba, Fred Kagulang-galang.

Malakas daw kasi siyang magdala ng ikapo este mali sumigaw ng ina kop po pala kapag naiipit siya sa mamahalin niyang sasakyan. Pumasok pa ito sa isang prestigious fraternity para magamit niya sa kanyang mercenary motives.

Walang loyalty si Lt. Poly-poly, kung saan siya makikinabang doon siya haharumba. Tama ba Mr. Joey!

Binabandera rin ng grupo nina Ric Water at ang asong baboy na si Lt. Poly-poly ang pangalan ni retired General Mel Rosales ng NASTF dahil kapalagayang loob daw nila ito.

Totoo ba ito Mel?

Nagtataka ang mga kuwago ng ORA MISMO, kung bakit walang aksyon si BOC bossing Tony Bernardo sa kagaguhan ng mga economic saboteurs diyan sa Subic.

May tinitingnan ka ba at may tinititigan, Commissioner Bernardo, Sir?

‘‘Mukhang matindi pala ang banta ng asong baboy ni Ric Water sa Chief Kuwago,’’ anang kuwagong nagtitinda ng baboy.

‘‘Mas nakabuti pa nga sa Chief Kuwago ang banta ni Lt. Poly-poly dahil madali siyang makalawit ng mga awtoridad kapag may nangyari sa huli,’’ sabi ng kuwagong SPO-10 sa Crame.

‘‘Gusto kasing patayin ng asong baboy ni Ric Water ang Chief Kuwago para hindi mabulgar ang smuggling operation nila dito,’’ natatawang sabi ng kuwagong Kotong cop.

‘‘Eh ano ang dapat gawin ng Chief Kuwago dahil baka makagat siya ng asong baboy ni Ric Water?’’

‘‘Siguro dalhin ni Ric Water ang aso niyang baboy para hindi ma-rabies ang Chief Kuwago.’’

‘‘Dapat nga, kamote.’’