May pakiramdam ako na lalong magiging isang karnabal ang pagtitipon na ito ng mga mambabatas. Wala nang mahalaga sa mga ito kundi ang pansariling interes. Ewan ko kung alam na ng mga mambabatas na naiinis ang taumbayan sa napakakupad na proseso ng eleksiyon dito. Pero, umaasa ako na hindi naman sila manhid sa damdamin na ito ng ating mga mamamayan. Simple lang naman ang hinihiling ng bayan. Ideklara na kaagad ang mga nanalo sa pagka-presidente at bise presidente.
Sa mga senador at mga kongresista, isantabi na ninyo ang pulitika. Hindi kayo nagtitiwala sa isa’t isa nang dahil sa pulitika kung kaya’t ang pinoprotektahan ninyo ay ang mga kandidato na pinakikinabangan ninyo. Mag-ingat kayo, baka kayo na ang harapin kapag hindi na makatiis ang taumbayan.