Young actress, binayaran ng P15-M ng babaing kandidato

ALAM n’yo bang binayaran ng isang kandidato ang isang young actress ng P15-milyon para iendorso ang kanyang kandidatura?

Ayon sa aking bubuwit, 81 days na lang, eleksyon na.

Happy birthday muna kay Gabby Cruz ng DZRH, Capt. Cornelio dela Cruz, Mauro Tamondong ng Sta. Barbara, Pangasinan; Felicitas Lapus, Dave dela Cruz ng Romblon at Julie Espinosa ng Santiago City.

* * *

Alam n’yo bang kumita nang malaki ngayong panahon ng eleksyon ang isang sikat na young actress?

Ayon sa aking bubuwit, hindi nag-iisa si Actress na kumita at kikita pa ngayong eleksyon. Pati nga mga pahayagan, radyo at telebisyon ay kumikita rin ng limpak-limpak na salapi dahil sa mga paid political advertisements.

At pati iba pang mga artista, singers, dancers, at maski mga pipitsuging komedyante ay kumikita rin sa pagsama sa mga political rallies ng mga kandidato. Kailangan sila para aliwin ang mga botanteng binobola ng mga kandidato.

* * *

Ayon sa aking bubuwit, ilang beses nang kumandidato ang pulitikong ito pero hindi manalu-nalo.

Hindi pa kasi masyadong kilala ng masa ang elitistang pulitiko na ito kaya parating talunan. Bukod dito ay wala namang magandang pruweba o credentials para mahalal bilang senador.

Payo nga ng mga kasamahan niya, dapat ay kumandidato munang congressman, mayor, konsehal o barangay chairman at huwag naman yung Senador kaagad.

Mayaman kasi ang kanyang pamilya kaya akala yata dahil mayaman ay puwede na siyang manalo. Nung unang matalo ay sinabi niyang mananalo na raw siya sa susunod na halalan dahil bibilhin daw niya ang Comelec.

Ang yabang!

* * *

Ayon sa aking bubuwit, ang young actress na binayaran ng P15 milyon upang gumawa sila ng TV commercial ng kandidato ay si…

Kasama na rin sa package yung endorsement at pagsama sa mga political rallies hanggang matapos ang eleksyon.

Ang young actress ay popular sa masa at lalo na sa mga kabataan. Siya ay si actress J.S.

At ang pulitikong gumagastos ng limpak-limpak na salapi pero hindi naman nananalo ay si… babae.

Siya ay si Senatoriable J. as in Jack & Jill.