Malupit ang aking mga ginagamit na lengguwahe. Pero ito ang nararapat sa mga taong "manggagantso".
Wala kaming sinasanto kahit sino! Higante man o duwende sa anumang industriya, kapag kami nakakasiguro siyento porsiyento na panloloko ang kanilang trabaho.
Malimit kong sabihin, "maging paladuda sa lahat ng oras." Mag-ingat sa anumang bagay na inaalok sa inyo at sa mga sinasabi ng mga "Hudas" na kayo raw ay nanalo sa pamamagitan ng "text".
Maging sa internet o e-mail, mag-ingat sa mga pinagsasabi ng mga "Estas, Hudas at Barabas." Tulad nitong mababasa ninyo ngayon, sana makapagbubukas ito ng inyong isipan.
Mag-ingat din sa mga kumpanyang nagmamalaking sila raw ay lehitimo sa industriya ng "network marketing." Dito kuwidaw na rin kayo!
Tandaan, iba’t ibang estilo ng panloloko ang mga naglalabasan ngayon. Sa text at sa internet. ‘Yung iba nga nag-aadvertise pa sa malalaking diyaryo na sila raw ay "numero uno."
Kung sinu-sinong malalaking personalidad ang mga binabanggit sa kanilang anibersaryo na miyembro na raw, kuno!
Sir, I just wanna ask help about this Agency na sumulat sa email address ko. Nakasaad duon na nanalo daw ako on Electronic Raffle on Lottery.
Na-visit ko na rin po yung website nila at totoo naman po lahat kaya lang ipinagtataka ko lang po ay pinadalhan po nila ako ng NON-Residence claim form, Payment Instruction at yung huli po, is about my Bank Info on how to send me the said winning prize.
Sila naman po kasi ang naunang nagpadala ng ganun sa akin. Kaya lang po ang laki na nang nagastos ko sa pag-follow-up nito at maging sa pagrenta ng Computer para sa pag-internet.
Ginastusan ko n rin po ang pagpapascan ng mga requirements ng hinihingi nila sa akin. Nai-forward ko n po ang lahat ng kanilang hinihinging requirements sa kanilang tanggapan.
Hindi ko malaman ang aking gagawin kung itutuloy ko pa ang aking pag-follow-up o pagsunod sa kanilang mga hinihingi
Nanghihinayang naman po ako sa sinasabi nilang napanalunan ko raw. Nagkakahalaga daw po ito ng US$500,000.00 ang Winning Prize.
Heto po yung kanilang mga website; "www.awedinter.com" "email:awedinterfile2.netscape.net" at "awedlink@net.scape.net"
From
Miss Maria Cristina B.