Pangako ng SM City Baguio: Aaksiyunan daw ang ' BANTOT'

MATAPOS kong mailathala sa kolum na ‘to ang mala-imburnal na amoy ng SM City Baguio basement parking area, agad nagpadala ng kasagutan ang SM Shopping Center Management Corp (SMSCMC).

Ang liham-kasagutan ay nagmula sa Regional Operations Manager na si Engineer Bien C. Mateo na natanggap ko lang nitong nakaraang Lunes. Ang nasabing kolum ay nailathala nu’ng Disyembre 29 ng nakaraang taon.

Hinamon ko sa aking kolum ang presidente SMSCMC na si HANS SY, bisitahin ang SM City Baguio. Naisulat kong "babaligtad" ang kanyang sikmura, sa loob ng 30 segundo, sa umaalingasaw na bantot ng kanilang basement parking.

Layunin ko lamang na agad nilang maisaayos ang pagkukulang na ‘to sa kapakanan ng mga tagapagtangkilik (kabilang na ako nu’ng Pasko) ng kanilang SM City Baguio.

Narito ang kabuuan ng kanilang maikling kasagutan at "pangako."

* * *

Dear Mr. Ben Tulfo,

We read your column regarding the smell in the basement parking area of SM City Baguio.

Thank you for calling our attention on the matter, and please be assured that we will look into the matter and address it.

We have noticed the smell of clutch and brakes, and in line with this, we shall see how we can best resolve the matter.

We will be looking into ways of serving our customers better.

Thank you,

(signed)

ENGR. BIEN C. MATEO

Regional Operations Manager

* * *

Para sa inyong mga reaksiyon, sumbong at reklamo. I-text sa aming hotline # (0918) 9346417 o tumawag sa mga numero 932-53-10 at 932-89-19.

Trabaho ng kolum ang makapagbigay ng KILOS-PRONTONG AKSIYON sa mga kapabayaan ng mga kinauukulan. Kami na ang BAHALA!