Patanda nang patanda ang mga kuwago ng ORA MISMO kasi three months mula ngayon debutante na ang Pilipino Star Ngayon.
Ika nga, 18 years old na!
Ang isyu, mula nang mabalitaan ng bayan na hindi uurong si Da King sa pagtakbo para maging Prez ng Pinas ay wala nang tigil ang mga batikos dito.
Hindi nauubusan ng isyu ang kanyang mga enemies sa politics.
Binuburiki nang todo ang kanyang pagkatao.
Pinababantot ang kanyang name.
Ayaw itong tigilan.
Parang gusto nilang galitin si FPJ nang todo. Ang kaso, ini-snub sila ni Da King at ayaw silang patulan sa mga itinitsismis nila.
Kaya lalo silang pikon.
Kung may baho si Da King, siguro gakulangot lang ito pero ang mga kalaban niya ga-bundok ang dumi?
Kaya nga ang iba sa kanila tadtad ng kaso.
Ang pikon talo!
"Siguro mas maganda kung pagpupustahan natin ang mananalo sa pagka-Prez sa 2004," sabi ng kuwagong Kotong Cop.
"Winner take all ang laban," anang Kuwagong haliparot.
"Magandang ideya yan," anang kuwagong magtataho.
"Sino ang lamang sa laban?" tanong ng kuwagong SPO-10 sa Crame.
"Si FPJ walang talo."
"Paano mo nasabi ’yon?"
"Bugbog-sarado ang bida kaya gaganti ito sa mga kontrabida."
"Sinu-sino ba ang bandido?"
"Ang kalaban ng Panday."