Mga kumpiskadong shabu, sunugin

HUWAG nang patagalin sa kamay ng kapulisan ang mga nakumpiskang billion of pesos worth ng shabu para hindi magduda ang bayan na ito ay niri-recycle.

Kumuha ng katamtaman gramo sa nahuling droga para magsilbing ebidensiya sa husgado at ang malaking bahaging nakumpiska ay sunugin agad.

May mga tsismis kasing napapalitan ng tawas at ibinebenta umano ulit ang mga nakumpiskang droga sa mga dupang na gumagamit nito.

Natutuwa ang mga kuwago ng ORA MISMO, dahil sunud-sunod ang paglambat sa mga shabu laboratories.

Parang tsubibo ang mga awtoridad paikot-ikot sa Metro Manila karatig lalawigan sa ginagawa nilang casing parang mga apple picker kung makalambat ng mga notorious drug operators.

Ika nga, nagising sa katotohanan ang mga pigoy at hindi tutulug-tulog sa pansitan sila gaya noon. Kayod marino sila sa matinding kampanya ng gobyerno.

Ang daming huling drug operators pero parang hindi yata nauubos ang mga gago parang langgam sila sa dami. Siguro mas maganda kung may ilalagay sa kabaong.

Ika nga pinaglalamayan para makausap nila si Kamatayan ng wala sa panahon. Hindi lang kasi droga ang pinag-uusapan ngayon kundi maging kidnapping ay lumalala na rin. Kaya kailangan ang kamay na bakal.

Hindi titigil ang mga tarantado hanggang nakikita nilang sa kulungan lang ang punta nila. Ang dami nilang galamay. Mahuli man sila may mga bata pa silang susunod sa kanilang yapak. Ang mas mabuti ay kalawitin sila ni Kamatayan.

Alisin na kasi ang moratorium sa death penalty. Ibalik ang parusang bitay. Dalain ang mga gago sa impiyerno sila dalhin.

‘‘Nakakaawa ang mga biktima ng droga,’’ anang kuwagong maninisid ng tahong.

‘‘Walang pinipili ang mga sindikato mapa-matanda o bata, mayaman o mahirap basta pera lang ang sa kanila,’’ sabi ng kuwagong SPO-10 sa Crame.

‘‘Mas madaling pahintuin ang mga drug operators kung makikita nila ang mga kasama niya ay isa-isang tumutumba?’’

‘‘Bitayin ang mga ito’’ sabi ng kuwagong sepulturero.

"Marami kasing tutol sa bitay?’’

‘‘Bakit?’’

‘‘Napu-pulitika ang mga kamote.’’

‘‘Kamay na bakal lang ang kailangan.’’

"Korek ka diyan, kamote.’’