Naging panauhing pandangal si Lina sa inauguration ng pangalawang private drug rehabilitation center na pag-aari ng Seagulls Flight Foundation Inc. (SFFI) sa Antipolo City.
Dumalo sa nasabing pagtitipon si Rodolfo Caisip ng PDEA.
Binigyan ng papuri ni Lina ang SFFI at ang iba pang private drug rehabilitation center dahil sa pakikipagtulungan nito sa pamahalaan upang bumalik sa pagiging normal ang mga drug dependents na nalulong sa masamang bisyo.
May P200 million pondo ang nilaan ng pamahalaan para sa pagpapatayo ng karagdagang drug rehabilitation centers sa Pinas, partikular sa Mindanao.
Ito ay bilang tugon sa kampanya ng pamahalaan laban sa lumalalang kaso ng drug addiction.
Mahigit 4 million ang drug addict sa Pinas.
May limang probinsiya sa Pinas na nangangailangan ng rehabilitation centers upang matugunan ang mga drug users.
Inihayag ni Ed Castillo, pangulo ng SFFI, at Jerry Yap, consultant, na kaya itinayo ang drug center sa Antipolo City ay upang matulungan nila ang mga mahihirap na residente ng lungsod na gustong ipagamot ang kanilang mga mahal sa buhay na lulong sa droga.
Mayroon ding Seagulls Flight Foundation sa Tagaytay City.
"Magaling pala ang naisip nina Castillo at Yap para matulungan ang mga drug dependents na gustong magbagong buhay," anang kuwagong SPO-10 sa Crame.
"Baka naman saksakan ng mahal kung dito namin dadalhin ang aming mga adik na anak?" tanong ng kuwagong Kotong cop.
"May kaunting gastos ito pero hindi mahal at kayang-kaya ng bulsa ng mga magulang na may problema sa kanilang mga anak."
"Confidential ba ang mga information na ibibigay namin, baka naman ma-tsismis ang mga anak namin kung sa Seagulls namin ipapasok?"
"Siyempre."
"Siguro panahon na para ipasok namin ang mga anak naming dupang sa droga," sabi ng kuwagong sepulturero.
"Dapat lang habang maaga ay magamot na dahil baka makagawa pa ng masama sa kanyang pamilya."
"Ano ngayon ang maganda?"
"Mag-impake na para pumunta sa Seagull."
"D’yan ako bilib sa mga kilos mo, kamote."