Si Buyungan Bungkak, 20, isang Abu Sayad, este mali, Sayyaf pala ay isa sa mga suspects sa shopping mall bombing sa Zamboanga City noong October 2, 2002.
Isang "preso kabalyero" o stricker sa CIDG si Bungkak.
Ika nga, taga-walis, taga-linis, etcetera.
Niratrat ni Bungkak ang mga rakpadudels noong Martes ng umaga, tatlo rito ang natumba at may ilan ding nasugatan nang magwala ito sa hindi malamang dahilan.
Ang mga arkitekto sa CIDG o ang mga pigoy na sanay mag-drawing sa mga kaso ay nagsabing ilalabas nila si Bungkak para ma-arawan at mag-exercise nang bigla itong mang-agaw ng boga.
Nakakatawa, 5:30 early in the morning, may araw na palang sumikat sa Crame? Ngok-ngok-ngok!
Pero nakikiramay ang mga kuwago ng ORA MISMO sa mga pulis na pinatay ni Bungkak. Naawa naman ang mga kuwago ng ORA MISMO sa mga pulis na nasugatan. Sana gumaling agad kayo!
Bilib talaga ang mga kuwago ng ORA MISMO kay PNP Bossing Jun Ebdane at PACER bossing Allan Purisima dahil ang bibilis nilang kumilos, super kidlat nang mabalitaan ang kapabayaang nangyari sa CIDG.
Siguro, mas maganda kung nagpa-relieve agad sa puwesto si CIDG bossing Eduardo Matillano katulad ng ginawa noon ni PNP-IG bossing Jess Verzosa nang tumakas si Fathur Rohman al Ghozi sa kanyang karsel kaysa nag-file ng leave of absence.
Ika nga, for delicadeza!
"May nagbubulong sa mga kuwago ng ORA MISMO na hindi pala nang-snatch ng boga si Bungkak," anang kuwagong sepulturero.
"Paano ito nag-ala-rambutan, este mali, Rambo pala kung hindi siya nang-snatch ng boga?" tanong ng kuwagong Kotong cop.
"Dapat paimbestigahan sa independent body at hindi sa taga-CIDG ang malalim daw na usapin tungkol sa ginawa ni Bungkak?" anang kuwagong SPO-10 sa Crame.
"Paano ito nagka-boga kung ganoong hindi siya nang-snatch?" tanong ng kuwagong urot.
"Naglilinis daw ito ng boga nang magwala sa hindi malamang dahilan."
"Paano natin maiimbestigahan si Bungkak?"
"Iyan ang itanong mo sa kanila, kamote dahil patay na siya."
"Korek ka diyan, kamote, mahirap alamin iyan."