Ang kanyang deklarasyon ay ginawa sa Centennial Expo sa dating Clark Air Base sa Pampanga, isang proyektong nababalot din ng eskandalo ng pangungurakot.
Ang dahilang binigay ni Madam Senyora Donya Gloria at ng kanyang mga alipores ay para raw maging tuluy-tuloy ang mga reporma raw na naumpisahan.
Tanong tuloy ng isa nating kakuwentuhan lagi, ano bang reporma? Bakit wala tayong nararamdaman? Mukhang lalo lang tayong naghirap? So, ano ang tuluy-tuloy na gusto niya?
Biglang sabat ni Mang Tasio na nagtitinda ng taho, di tuluy-tuloy sa pag-upo sa Malacañang, di lang naka-PIDAL, nakasakay pa ng kabayo ng anak niyang Bise Gobernador Mikey Arroyo.
Singit naman ng isang driver na naghihintay sa kanyang amo: Tuluy-tuloy si JOSE Pidal!
Iiwan na sana dahil pati hindi kasali nakisali na, pero napatigil tayo kasi pati si Nana Naty pumasok sa usapan at ang sabi: "Tuluy-tuloy sa paghihirap, tuluy-tuloy sa pagdurusa at tuluy-tuloy sa kagutuman."
Pasok naman si Manong Ben, retiradong police, "Tuluy-tuloy ang nakawan, tuluy-tuloy ang pagtaas ng krimen at tuluy-tuloy ang droga."
Ayaw namang patalo ni Aling Chayong na may-ari ng karinderya kaya sali rin sa usapan at patawa pang sinabi: "Tuluy-tuloy ang paghingi ng lagay at pagkain ng libre, dati pulis lang ngayon may MMDA, traffic aide at iba pa."
Sali na rin si Kempoy, isang batang nagtitinda ng sigarilyo upang makatulong sa pamilya nang masisante ang kanyang ama, "tuluy-tuloy ang pagtigil ko sa pag-aaral."
Entra naman si Kuya Raffy, isang retiradong kawani ng gobyerno, "Tuluy-tuloy ang pag-utang, wala pa hanggang ngayon ang benepisyo naming galing sa GSIS, tuluy-tuloy ang pagka-baon sa pagkakautang."
"Tuluy-tuloy din ang pagbagsak ng kalidad ng edukasyon dahil tuluy-tuloy ang nakawan sa gobyerno," saad ni Ginang Reyes, isang domestic helper sa Hong Kong na dating guro at pansamantalang nagbabakasyon.
"Ang pagtaas ng krudo at boundary tuluy-tuloy din, ang pagliit ng kita tuluy-tuloy na rin at ang masakit, tuluy-tuloy pa rin ang kotong, tuluy-tuloy sa pagdami ang nanghihingi," singit naman ni Mang Diony, isang driver ng pampasaherong jeep.
"Presyo ng pagkain tuluy-tuloy din ang pagtaas," habol ni Aling Tessie na galing sa palengke at ipinakita pa sa amin, "tuluy-tuloy na kumokonti ang pinamimili ko."
"So paano, tuluy-tuloy na rin ang pag-alis ni Tatay papuntang Saudi Arabia?" tanong ni Giannna, 14, na ilang araw ng malungkot dahil mapipilitang mag-OFW ang ama upang mabigyan sila ng mas magandang pamumuhay.
"Dadami naman ang Diosdado MacaPIDAL highway," pangantiyaw na pasok ni Mang Greg, isang engineer na aalis na rin para sumunod sa kanyang anak na nag-asawa ng isang Australyano.
Puro tuluy-tuloy na ang usapan, kaya ang kaibigan kong si Boy na mukhang gutom na ang pumasok bigla, tuluy-tuloy talaga ang kaligayahan nila sa Malacañang. Tuluy-tuloy ang pangungurakot, tuluy-tuloy ang kasinungalingan at kasamaan.
Kayo mga kaibigan, ano sa palagay n’yo ang tuluy-tuloy at papayagan n’yo ba ang pagtuluy-tuloy? TULUY-TULOY nating pag-usapan.
Tlaga ytng nilo2ko tau ni donya pidal eh ibinalik p c reyes ayan my nangyari n nmng bombahan. –09228028662; Cno p b ang may hawak ng pondo ng 1999 dferential ng AFP? Sus ginuo nawaldas n cgurado! S impierno bagsak nyo ksm n taning! –09175404505;
Gma kng 2nay ang iyng aim na alicn ang kurapt cmulan m kay jose pidal pbksan m ang acct pra mlman ang 220 dii ba? –09272584058; C mahathir kpknan ng bansa at ma3yan ang inuuna. C pgma kpknan ng pamilya at mga alipores nya ang protektado. –09272452670;
Gma wg kn 2makbo s 2004 kc ala k nman ngagawa sa bnsa isuko m n ung asaw m. –09102155753; Gnyan b kbb ang uri ng mga ngging lider ntin wlang 1 slita cnungaling at wlang pnindigan s srili. –09162405716;
Mrrnsan ni Gloria n mllmpaso sa eleksyon s pgddklara nya ng knyang kndd2ra dhil wla ng pilipino n nni2wala s knya! –09162405716; Ang palakpak brigade lng ni gma ang maingay sa pghayag nito ng kandidatura. Ang crowd ay halatang dismayado. –09185924468; Na22wa ako dhil sa ka2nddato k uli apnted presgma para malaman mo kong gaano ang galit syo ng taumbayan. –09262288218;
Akoy isang batang profesyonal at kailangan mangibang bansa dhil walang pag asa ang byan ni juan dela cruz. Layas n s malacañang. –09195137144; Mdam gma la2ban ka rin pala nagpaarte rte ka pa. –09272595884.