Isang congressman, may indecent proposal sa sexy actress

ALAM n’yo bang may indecent proposal ang isang congressman sa isang sexy actress?

Ayon sa aking bubuwit, 114 days na lang, Pasko na naman.

Happy birthday muna kay Jaime Cardinal Sin, Sec. Bobby Tiglao, Manny Pangilinan, Felicidad Buduan, Ariel Abary, Kon. Lucio Constantino ng Muntinlupa City at PUP Pres. Sammy Salvador.

* * *

Alam n’yo bang may kakaibang style ang isang congressman sa panliligaw sa isang sexy actress? Meron na kaagad siyang indecent proposal.

Noong una ay nagpapadala lamang ng mga text messages si Congressman kay young actress, pero hindi na siguro makapigil, diniretso na niya. Bagamat hindi pa rin naman prangkahan na gusto na niyang maka-carnal knowledge si Sexy actress may pahiwatig na ganun na rin ang ibig sabihin.

Ang ginawa ni Congressman para makasama si Sexy actress, pinadalhan niya ito ng ticket patungong Hong Kong.

May kasama na kayang pocket money?

Ayon sa aking bubuwit, hindi pumayag si Sexy actress sa ‘‘indecent proposal’’ pero hindi pa rin naman isinosoli ang plane ticket.

Naku, baka magbago ang isip at pumayag din sa bandang huli ano. Baka naman kailangan pang pag-usapan dito ang pocket money na pang-shopping ni sexy actress?

Mukhang ginagaya ni Congressman ang style ni Dolphy. Ang kanyang pang-come on ay Trip to Hong Kong. Sabagay marami na ang gumagawa niyan.

* * *

Ayon sa aking bubuwit, ang sexy actress na inalok ng ‘‘indecent proposal’ ay maputi at saka malaki ang mga mata. Siya ay betty uno anyos. Isa ngayon sa mga sikat na sexy actress. Regular siya ngayong lumalabas sa isang noon time show sa telebisyon.

Ang nasabing sexy actress ay walang iba kundi si Ms. J. as in Jennifer.

At ang Congressman na may indecent proposal ay walang iba kundi si Congressman…

Siya ay congressman sa Metro Manila. Siya ay Tsinito. Siya ay si Congressman P. as in Palikero.