Filipino ay paghusayan,Ingles pagbutihin din naman

NGAYONG Agosto ay buwan ng Wikang Pambansa – ang Filipino. si Pangulong Manuel Luis Quezon ang tinaguriang ‘‘Ama ng Wikang Pambansa.’’ Masidhing ipinaglaban ni Quezon ang paggamit ng Filipino.

Batid ng lahat na ang English ay universal language at ang Filipino ang second language ng mga Pilipino. Noong araw sa mga pampubliko at maging pribadong paaralan ng English ang siyang medium of instruction. Sa ngayon ay Filipino na ang gamit sa pagtuturo sa mga estudyante sa public schools. Isa ito sa nakikita kong dahilan kaya kakaunti sa mga mag-aaral sa public schools ang nahihirapang magpahayag sa English. Napatunayan na malaking porsiyento sa mga gurong kumuha ng examination sa English noong Mayo ang pasang-awa lamang. Katotohanan na sa bilang ng mga guro ay hindi marami ang malayang nakapagpapaliwanag sa English kaya napagpasyahan ng pamunuan ng DEP-Ed na magsagawa ng mga seminars in English para sa mga guro, lalo na sa mga English teachers na dapat maging magaling mag-English.

Sa pangyayaring ito dapat na maging balanse ang pag-aaral ng Wikang Filipino, at English. Sa panahong ito na halos karamihan ay gustong magtrabaho sa ibang bansa, malaking puntos kapag mahusay mag-English. Maging domestic helpers ay nakalalamang ang marunong mag-English. Ang mga OFW na mahusay mag-communicate sa English ay mas kinagigiliwan sa mga bansa sa Gitnang Silangan.