Mabilis nakipag-ugnayan ang aming grupo sa National Bureau of Investigation-National Capital Region (NBI-NCR) kasama ang anak ng biktimang humingi ng saklolo sa amin.
Mula sa hinihinging P3 milyong ransom ng mga kidnappers ibinaba ito sa P1 milyon. Pagkatapos ay bumaba pa hanggang P300,000?
Desperado na ang sumunod na tawag ng mga kidnappers. Kahit na lang daw magkano ay puwede na? Dito nagkaroon ng duda ang aming TV investigative team, ang BITAG maging ang mga operatiba ng NBI.
Naging maingat ang hakbang ng mga ahente ng NBI-NCR. Kumplikado at sensitibo ang kasong ito. Ang mahalaga ay mabawi ng buhay ang biktima.
Naibigay na ng pamilya ng biktima ang napagkasunduang halaga na idineposito sa bankong hiniling ng mga kidnappers. Napag-alaman na winidraw ang pera sa Cotabato City nung araw ding iyon.
Naganap yung aktuwal na pangyayari nung Hunyo 23, nung araw din na kung saan agad inilapit sa amin ng anak ng biktima. Naibigay na ang rasom money kapalit ng paglaya ng biktima.
Panoorin ngayong Sabado sa BITAG alas-5:00-5:30 ng hapon sa ABC-5 ang kinahinatnan ng kasong ito.
Mag-iisang taon na sa susunod na buwan ang BITAG. Di tulad ng iba, hindi kami namimimili ng mga biktimang lumalapit sa amin at humihingi ng saklolo.
Ang pagkakaiba ng BITAG sa ibang investigative TV, RESULTA!
Sa panahon ngayon madaling makita ang katotohanan. Hindi namin estilo ang magsadula (re-enact/dramatization). Reality TV ang trabaho ng aming grupo.
Nirerespeto namin ang tunay na buhay ng mga tunay na taong lumalapit sa amin. Hangad nila, mabigyan ng tunay na tulong at tunay na lunas sa kanilang problema.
Alam nila kung sino ang tunay na sumbungan at tunay na malalapitan!
Para sa TIPS type BITAG<space>TIPS<space>(message)
COMPLAINTS type BITAG<space> COMPLAINTS <space>(message)
FEEDBACK type BITAG<space>FB <space>(message)
O tumawag sa telepono 932-5310/932-8919.