NAIA's surveillance system mabibili sa flea market ng San Jose, California

NAGKAKAHALAGA raw ng P500 milyon ang presyo noon ng mga inutil na security and surveillance system ng Ninoy Aquino International Airport (NAIA).

Panahon ng dating administrasyon ni Pangulong Fidel Ramos at ni Joseph Estrada nang binili ang mga inutil na kagamitang ito.

Kumita ng limpak-limpak na salapi ang mga dating namuno sa NAIA. Kasalukuyang nabubuhay pa rin sila sa mundong ito.

Ito ang kanilang ipinamalas. Teknolohiyang maituturing "surplus" na nung mga panahong iyon.

Presyong "close-out sale" na noon. Pero, daig pa ang presyo ng "advance technology" ang kanilang binayaran na animo’y tatagal ng 10 taon at hindi ganun kadaling maluma.

Kasalukuyang ito pa rin ang ginagamit ng NAIA. Maipagmamalaki natin sa buong Asya. Kapag hindi tayo kumilos, baka maunahan tayo ng mga pursigidong terorista.

Ang mga kasalukuyang walang saysay na security and surveillance system ng NAIA ay masasabing presyong "color blind". Hindi alam nung mga dating namuno kung ano ang kulay ng pera. Pero alam nila kung papano kumita.

Mga "black and white" monitor mula sa mga "black & white" na camera na mabibili ng mga Pinoy at Kano sa mga flea market ng San Jose California, USA.

Katanungan namin kay NAIA Manager Ed Manda, "After what you’ve read, can you tell us how efficient is NAIA’s security and surveillance system?"

Ito naman ang aming follow-up question, "What are you gonna do now? You’re not just gonna sit down and give us excuses, aren’t you?"

* * *

Para sa mga tips, reklamo’t sumbong, tumawag o mag-text sa mga numerong ito: 0918-9346417 at sa telepono 932-5310 / 932-8919. Makinig sa DZME 1530 Khz, Lunes hanggang Biyernes, 9:00-10:00 ng umaga. At panoorin ang programang "BITAG" sa ABC-5, tuwing Sabado, 5:00-5:30 ng hapon.