Pilipino Star NGAYON (Handog sa ika-17 anibersaryo)

Pilipino Star NGAYON – ito’y pahayagan

Na tinatangkilik ng dukha’t mayaman

Itoíy nasusulat sa wikang dalisay

Kaya kung basahi’y di ka maiilang!

May mga dayuhang napadpad sa bansa

Pilipino Star hinanap na kusa;

Dito raw nabasa kanilang adhikaít

Ang pagdalaw nila’y dito nabalita!

Mga estudyanteng nagsusunog-kilay

Sa asignaturang malalim na "science";

Sila’y nagsaliksik – Pilipino Star

Ang dyaryong hinanap at pinag-aralan!

Editoral section kung binabasa mo –

Ang mga salita’y mayaman at pino;

Dito ang opinyon ng maraming tao

Ay masasalamin na may layon ito!

Iba’t ibang pitak – pitak ng artista

Kapag tinunghaya’y lubhang naiiba;

Ito ay kumpleto tumpak ang balita

Di eksahirado’t di rin mapagkunwa!

Sa mga balita ay matutunghayan

Ang lagay ng bansa sa katotohanan;

Hindi ito taksil sa kanyang larangan

Pagka’t ito’y lingkod na tapat sa bayan!

Sa kabuuan ito’y makulay na dyaryo

Sa "quality control" ay nagdaan ito;

Color separation ay lubhang perpekto

Kaya kung ibenta’y malinis na ito!