Tsekwang big fish sinilat ni Immigration Comm. Domingo

ISANG dambuhalang bilyonaryong tsekwa ang nahuli ng mga tauhan ni Commissioner Andrea Domingo. May mga nagreklamo kasi na peke ang mga documents nito at pinalalabas pa raw na siya ay isang tunay na Noypi ayon sa sumbong.

Hindi nagdalawang salita ang mga nagtsutso kay Andrea porke mabilis na umaksiyon ito sa subject na si Leon Basilio Chua, aka, Leon S. Chua, Basilio Lee Chua at ngayon ay may pangalang Leonardo Lee Villalon.

Pero nang mahuli ay sangkaterba palang mga pulpol na pulitiko ang umaarbor sa ulo ng pekeng noypi na palayain agad sa BI detention cell.

Ang pekeng Noypi ay may sandamakmak ang negosyo sa bansa porke siya ang Chairman and CEO ng mga malalaking kompanya gaya ng Semicon Inc., JMBL International Inc. Solutions Technology, Inc., Scenema Concept Inc., West Hills Realty Corp., at ng Cllk2 Manila, com, Inc.

Parang nasa loob ng pressure cooker si Andrea ng masagasaan niya ang pekeng Noypi porke sangkatutak ang tinanggap niyang tawag sa telepono ng mga pulitikong pulpol para palabasin ito sa kulungan.

Pero matigas si Andrea porke hindi ito natinag sa mga callers niyang ugok.

Pinatupad nito ang batas at hindi pera ang dapat umiiral dito.

Sabi ni Andrea kung may mga legal documents na magpapatunay na lihitimong Pilipino itong si Villalon ay walang pag-uusapan sa problema ng huli pero sa nakalap na impormasyon ng mga kuwago ng ORA MISMO ay parehong tsekwa ang erpat at ermat nito kahit na sa Pinas pinanganak ito natural tsekwa pa rin siya.

Sa documents na hawak ng mga kuwago ng ORA MISMO tungkol kay Villalon lumalabas na ang totoo lamang sa papeles nito ay ang petsa ng kanyang kapanganakan.

Nakalap din ng mga kuwago ng ORA MISMO ang pekeng Allien Certificate of Registration na peke rin. Sino kayang kamote ang nag-facilitate nito tiyak malaking pera ang nahuthot ng mga tarantado kay Villalon?

Isusunod pa ng mga kuwago ng ORA MISMO ang iba pang kaso ni Villalon ayon sa documents na hawak nila.

‘‘Buti na lang matino si Mayor Didi Domingo este Comm. Andrea Pala,’’ sabi ng kuwagong fixer sa BI.

‘‘Oo nga hindi kayang tapalan ito ng pitsa?’’ sagot ng kuwagong runner ng mga fixers.

‘‘Siguro dapat munang imbestigahang mabuti si Villalon bago pakawalan,’’ anang kuwagong SPO-10 sa Crame.

‘‘Sa dami ng illegal alliens na tsekwa sa Pinas ngayon baka sa loob ng 25 years from now China na rin ang Pilipinas,’’ sabi ng kuwagong pulis na naglalanggas ng kanyang galis.

‘‘Kasi basta marami kang pitsa lahat ng gusto mo masusunod sa Pinas,’’ anang kuwagong behong nagtitinda ng taho.

‘‘Pero hanggang si Didi ang BI bossing mahihirapan ang mga ito na tapalan ng pitsa si Mayor este Commissioner pala,’’ sabi ng kuwagong Kotong cop.

‘‘Eh kung arburin ng mga pulitikong pulpol, paano?’’

‘‘Tiyak sa kangkungan sila pupulutin sa 2004.’’

‘‘Pero teka nakalaya na pala si Villalon sa detention cell ng BI.’’

‘‘Iyon lang.’’