Penalty Condonation Act ng Pag-IBIG

Dear Sec. Mike Defensor,

Noong 2000, dumanas ang aming kompanya ng matinding kahirapan bunga ng pagbaba ng halaga ng piso sa dollar. Upang mabigyan lamang ng suweldo ang aming mga empleyado, naisipan naming tumigil muna sa pagbabayad ng kanilang Pag-IBIG contributions.

Maaari ba kaming humingi ng tulong na mabawasan ang penalty na babayaran sa Pag-IBIG. Maaari ba kaming sumailalim sa Penalty Condonation Act? – X COMPANY

Ayon sa Rule V ng Rules and Regulations ng Pag-IBIG, sinumang employer, tanggapan at kompanya na hindi nakarehistro o nakapagbayad ng mga kontribusyon ng kanilang mga empleyado ay maaaring mag-apply ng kondonasyon ng mga multa kung may makatarungang dahilan. Kagaya ng dinaranas na paghihirap na bayaran ang mga gastusin ng kompanya at tanggapan. Sa karagdagang impormasyon, tumawag lamang sa Pag-IBIG Office , tel. no. 848-8280 o trunkline no. 811-4401.

Sa mga nagnanais sumulat, maaari ninyong ipadala ang inyong liham sa Office of the Chairman, 6th Floor, Atrium Bldg., Makati Avenue, Makati City. Pakibanggit lamang kung nais ninyong ilathala ang liham sa kolum na ito.