Ang abnormal na pagdurugo ay karaniwang nangyayari sa mga post-menopausal women. Nagaganap sa sandaling tumigil ang pagregla at susundan ito ng watery discharge na may kasamang dugo. Sa mga pre-menopausal women, ang abnormal bleeding ay nangyayari subalit wala itong kaugnayan sa pagreregla.
Ang mga babaing may sintomas ng abnormal bleeding ay kinakailangang kumunsulta agad sa doktor upang masuri. Kapag kumalat na ang cancer, maaari itong ikamatay ng pasyente.
Ang pagkakaroon ng cancer sa uterus ay hindi malaman kung saan nagmumula pero iniuugnay ito sa pagkakaroon ng diabetes at doon sa mga may history ng breast at ovarian cancer sa pamilya. Pinaniniwalaan din na dahilan ang tungkol sa menstrual cycles kung saan ang itlog ay hindi na-released at walang input ng progesterone. Dahilan din ang estrogen therapy, ganoon din ang mga overweight at iyong mga may high blood pressure at may problema sa hormonal imbalance.
Ang paggamot sa cancer sa uterus ay kinapapalooban ng operasyon. Aalisin ang womb (kung tawagin ay hysterectomy) at ganoon din ang obaryo at fallopian tubes. Ang pagsasailalim sa radiotheraphy at progesterone treatment ay kinakailangan din. If the cancer can be detected early and given proper treatment, prognosis is quite good for the majority of patients.