Stewardess minura ng congressman dahil sa bagahe

Alam n’yo bang minura ng isang congressman ang isang PAL stewardess dahil lamang sa bagahe?

Ayon sa aking bubuwit, happy birthday muna kay dating President Fidel V. Ramos, dating Banko Sentral Gov. Gabby Singson; Fred Davis ng MBC; Hermana Rosie Sarangaya, Bert Magbuhat ng PDIC at Irene Ong.

* * *

Alam n’yo bang maraming pasahero ang napika sa isang congressman dahil sa pagiging arogante?

Ayon sa aking bubuwit, noong Feb. 26, 2002 isang magandang stewardess ng Philippine Airlines ang pinagalitan ni Congressman. Ang flight ay mula Shanghai, China via Manila.

Nang pumasok sa eroplano si Congressman, ito ay may malaking bagahe. Kung tutuusin ay hindi dapat i-hand carry dahil hindi ito magkasya sa lalagyan ng bagahe ng eroplano. Ang gusto ni Congressman ay ilagay na lamang ito sa unahan ng kanyang upuan.

Dahil nakasasagabal at maaaring maka-aksidente, pinakiusapan ng stewardess si Congressman na ilipat ng lalagyan. Pero sa halip na sumunod, pinagalitan pa nito ang stewardess.

* * *

Nagtaas ito ng boses at sinabing hindi raw ba siya kilala bilang isang kongresista.

Pinagtinginan sila ng mga pasahero. Napahiya ang magandang stewardees.

Dahil nga naman isang kongresista, walang nagawa ang stewardess kundi ibigay ang gusto ni Congressman.

Pero, alam mo ba Mr. Congressman na maraming pasahero ang naasar dahil sa asal mo?

Gusto raw kasi ni Congresman na makalabas kaagad ng eroplano pagdating sa Ninoy Aquino International Airport kaya ayaw niya itong ilipat ng lalagyan.

‘Yan ang law maker pero law breaker.

Ang congressman na naging arogante sa isang stewardess ay si Metro Manila Congressman P. A. as in Philippine Airlines.