Hiwaga ng 'landing' sa Bgy. Iyam, Lucena City

SA lumang runway na kung tawagin ay "landing" sa Barangay Iyam, Lucena City binobola ang ‘Superquick’, ang number game na pinoprotektahan ng mga corrupt na PNP official sa Region 4, gagong barangay officials at mga ganid na taga-City Mayor Ramon Hall. Dito rin binabagsak ang bushab ng grupo ni Konsehal Pitik, ang dupang na opisyal ng bayan na kumikilig-kilig porke naapektuhan na sobrang gamit ng illegal na morotgara. DILG Secretary Joey Lina, Your Honor!

Nag-combine pala ang puwersa nina Amoto at Boy Argumento para pangunahan ang mga illegal na gawain dyan sa Lucena City. Mayor Ramon Talaga Jr., Sir! Talaga bang hindi mo sila kilala? Asking lang.

Dati ay limang beses binobola ang jueteng sa Lucena City subalit sa hindi malamang dahilan ay naging four times na lamang ito sa loob ng isang araw. Pero kaya palang itigil kung si DILG Secretary Lina ang dumadalaw sa nasabing lugar. Totoo ba talaga ito Mayor Ramon Talaga Jr., Sir?

Million of pesos ang pinaghahatian ng mga corrupt at ganid sa pera diyan sa Lucena City sa pangunguna ni Boy Argumento at Amoto para ibigay sa mga kamoteng PNP officials, ganid na taga-City Hall at mga gagong barangay officials. ISAFP bossing Victor Corpuz, Sir!

Nalulong naman sa shabu si Konsehal Pitik. Pumipitik pala ang ulo nito kapag may giyang. Dangerous Drug Board chief Intelligence Eric Senoren, Sir!

Si Konsehal Pitik, ang number one dupang sa Lucena City at isa sa mga nagkakalat ng bushab sa teritoryo mo Mayor Talaga. Talaga bang hindi mo alam ito Mayor Talaga?

"Talagang sama sa lahat ng uri ng kagaguhan ang ilang corrupt PNP sa Region 4 basta pera ang kapalit kahit na baluktot ay tinutuwid," sabi ng kuwagong Kotong Cop.

"Hindi nga mapigil ng PNP ang simpleng kaso ng snatching sa Mero-Manila, jueteng pa na mas malaki ang intelihensya ang nakukuha," angil na sabi ng kuwagong haliparot sa kabaret.

"Paano ang Noypi?" tanong ng kuwagong CO2 10 sa Aguinaldo.

"Nakanganga di ba?"

"Bakit?"

"Walang matakbuhang matino."

"Talaga?"

"Paano si Mayor Talaga?"

"Talaga siya na lang ang matatakbuhan natin."

"Para ano?"

"Hulihin talaga ang mga illegal sa Lucena City."

"Talagang tama ka dyan, kamote."