Sexy Actress madaling araw kung dalawin ng sikat n

Alam n'yo bang madaling araw kung dalawin ng isang sikat na politician ang chiching na sexy actress ?

Ayon sa aking bubuwit,111 days na lang at Pasko na naman.

Happy birthday kay Rep. Clavel Martinez ng 4-D Cebu; Rep. Angeles ‘‘Bobong’’ Carloto ng Zamboanga del Norte; Felix Mediavillo ng Manila Bulletin at Romy Reyes ng MBC.

* * *

Alam n’yo bang madaling araw kung dalawin ng isang politician ang isang sexy actress?

Ayon sa aking bubuwit, ang sexy actress ay nakatira sa 15th floor ng AIC Center, Emerald Ave., Ortigas Center, sa Mandaluyong City. Ito ay malapit lamang sa Robinson’s Galleria.

* * *

Ayon sa aking bubuwit, madaling araw kung dumalaw si Mr. Politician kay Sexy actress. Nagugulat na lamang ang mga security guard ng condo kapag dumarating si Mr. Politician. Paano ba naman kasi, kung dumating si Mr. Politician ay alas-2 ng madaling araw. Minsan ay alas-3. At sa pagmamadali nito ay hindi na itinatago ang kanyang Chedeng.

Ipinaparada ang Chedeng sa harapan ng condo. Ang Chedeng ay ang latest model na dalawang bilog na parang letter eight ’yung headlights. Ang kulay ay midnight blue.

* * *

Ayon sa aking bubuwit, si Mr. Politician mismo ang nagmamaneho. Wala siyang kasamang driver o bodyguard. Pagparada ng Chedeng sa harapan ng condo ay nagmamadali si Mr. Politician na umakyat sa 15th floor.

Ang sexy actress na pinupuntahan ni Mr. Politician ay dating siyota ng isang FilAm na PBA player na nasa Swift Thunder na ngayon.

Medyo nalilito ang aking bubuwit kung sino ang nauna sa kanila sa actress at kung sino ang sumulot o nasulot sa dalawa.

Kasi, nakikita na ng aking bubuwit si Mr. Politician at sexy actress noon na nagde-date sa Shangrila Hotel, Makati. Pagkatapos ay nakita naman si Sexy actress at PBA player sa isang hotel sa Hong Kong. Pagkatapos ay napabalitang split na si Sexy actress at PBA player.

Dahil kaya ito kay Mr. Politician?

Ayon sa aking bubuwit, ang sexy actress na pinupuntahan ng pulitiko sa kanyang condo unit sa AIC Center ay si Sexy actress R.M.Q.

At ang pulitikong bigla na lamang sumusulpot ng madaling araw upang dalawin si Sexy actress sa condo ay si…

Kilala mo siya Mayor Jinggoy, Sir. Ito ay dati mong kaibigan at dating governor.