Bukod sa mga asawa nilang kasama sa bakasyon grande, este mali ulit, sa meeting nilang dadaluhan, napansin din ng mga kuwago ng ORA MISMO si PNP General ‘‘Lusob Boy’’ Fianza. Naalala kasi ng mga kuwago ng ORA MISMO nang harambuhin nito ang NAIA at ang PAOCTF HQ, sa Crame, ilang araw matapos umupo si Prez GMA sa kapangyarihan. Sanggang dikit pala sila ni Larry Boy.
Deny to death si Mendoza na grabe ang operasyon ng illegal gambling sa buong Pilipinas. Kesyo marami silang nahuhuli at walang tigil ang kampanya ng PNP sa bawal na sugal tulad ng jueteng echetera-echetera. Parang totoo, Sir! DILG Secretary Joey Lina parang bola yata, este, mali?
Nginuso kay Mendoza ng mga kuwago ng ORA MISMO ang ‘‘operation Kikil’’, sa Bureau of Customs ng mga CIDG-Kotong Cop kasama ang mga scalawags na taga-Economic Intelligence and Investigation Brokerage, este mali, bureau pala bilang point man.
‘‘Pabuburiki raw ni Mendoza ang mga CIDG-Kotong Cop sa BOC,’’ sabi ng kuwagong CO2-10 sa Aguinaldo.
‘‘Dapat lang,’’ inis na sabi ng kuwagong tiktik kalawang.
‘‘Panahon ni Ping Lacson disiplinado ang PNP… umupo lang ang ilang bright nagkaloko-loko na ulit?’’ sabi ng kuwagong SPO-10 sa Crame.
‘‘Baka akala ng mga kamoteng kapulisan lusot sila kay Ping mga hunghang sa Senado kayo magkikita?’’
‘‘Naku iba pa namang magalit si Ping?"
‘‘Tama lang naman na disiplinahin sila.’’
‘‘Matitigas ang mga et-et ng mga kamoteng pulis hindi ubra si Ping?"
‘‘Hintayin natin ang susunod na kabanata.’’
‘‘Paano ngayon ang mga Kotong Cop?’’
‘‘Tiyak may paglalagyan.’’
‘‘Saan?’’
‘‘Sa kubeta.’’
‘‘Bakit doon?’’
‘‘Bumaho ulit di ba?’’