Si Nanagas 52, ay isang prominenteng investment banker na malawak na ang karanasan.
Sa kanyang pagsumpa bilang bagong boss ng SSS sinabi niya na hindi lamang niya pagtutuunan ng pansin ang mga benepisyo ng SSS member kundi tutulong din siya sa pamahalaan ni President Gloria Macapagal-Arroyo sa mga programang pangkaunlaran ng bansa.
Sinabi niya na may mga panuntunan sa buhay siyang sinusunod at kabilang dito ang palagiang pagpapasalamat sa Diyos sa mga biyayang tinatamo. Binigyan-diin niya na kailanman ay hindi dapat na maging mapagmataas at dapat na maging pantay ang tingin sa lahat, maging mayaman o mahirap. Hindi dapat magkaroon ng diskriminasyon dahil ang lahat ay nilikhang pantay-pantay ng Diyos.
Si Nanagas ay naglingkod din sa sangay ng Citibank sa New York at naging hepe ng Philippine Deposit and Insurance Corporation. Marami na siyang natamong parangal at kabilang dito ang Papal Award (Knight of the Pontifical Order Of St. Sylvester) na iginawad sa kanya ni Jaime Cardinal Sin.