Chinese businessman nagalit sa waiter nang umabot sa P2,000 ang kinain

Alam n’yo bang super pala sa pagiging nakirmet ang isang mayamang Chinese businessman?

Ayon sa aking bubuwit, happy birthday muna kay Foreign Affairs Usec. Ben Domingo, Rey Dones ng DZRH News Center at cecille Torres.

Congratulations kay VW Lt. Gen. Diomedio Villanueva bilang incoming AFP Chief of Staff mula sa kanyang mga brethren sa Gonzaga Lodge No. 66 sa Tuguegarao City.

Congratulations din sa mga bagong promote na sina Commodores Danny Abinoja at Ruben Doria ng Philippine Coast Guard.

* * *

Alam n’yo bang kaya pala yumayaman nang husto ang ilang Intsik ay dahil sa kanilang pagiging kuripot?

Ayon sa aking bubuwit, mahilig magtungo sa mga five-star hotel itong kilalang Chinese businessman subalit ito pala ay iniiwasan ng mga waiter at waitress.

Minsan ay kumain umano itong si Chinese businessman at anak nitong lalaki sa Shangri-La Hotel, Makati City.

* * *

Ayon sa aking bubuwit, itong rich Chinese businessman at ang kanyang anak ay kumain sa Shang Palace Restaurant.

Diyos ko, ang mamahal ng pagkain diyan!

* * *

Nang tawagin umano ni Chinese businessman ang isang waiter ay tinanong nito kung ano ang mga masasarap na pagkain sa restaurant. Siyempre, dahil kilalang rich businessman, lahat na yata ng mga masasarap at mahal na pagkain ay inirekomenda niya rito. Umorder si Chinese businessman. Ayon sa aking bubuwit, sarap na sarap sa pagkain si Chinese businessman.

Heto na, pagdating ng bayaran ay nagulat at nagalit si Chinese businessman nang makita ang chit. Umabot pala ng mahigit P2,000 ang bill.

Dahil pinagalitan ni Chinese businessman ’yung waiter, pinagtinginan siya ng mga customer.

Sobra kang nakirmet sir. Kaya ka siguro yumayaman nang husto.

Pero alam n’yo ba na simula nang pagalitan ni Chinese businessman ang waiter, iniiwasan na ito kapag kumakain doon. At hindi na rin siya inaalok ng mga masasarap at mahal na pagkain.

Ang rich businessman na nagalit sa waiter dahil umabot sa P2,000 ang kanyang bill ay si...

Ito ay may-ari ng marami at malalaking malls sa Metro Manila at sa ibang dako ng bansa. Ito ay si Mr. S. as in Sapatos.