Hinagpis ni Dudong

ANG barbero kong si Dudong ay maagap sa mga balita. Hindi pa nailalathala sa diyaryo’y alam na niya.

‘‘Alam mo na ba bay ang bagong tsesmes?’’ tanong niya.

"Hindi. Ano ba iyon?’’ balikwas ko.

‘‘Sepag talaga ang aparatu ni Irap. Mantakin mo may naanakan na naman siyang isang aktris. Yun bang si_____________, sa Amerika pa nanganak" aniya.

Hindi ko na muna sasabihin ang pangalan ng aktres at baka tayo malibelo.

‘‘So what else is new,’’ sagot ko. ‘‘Afterall, ibinoto ng nakararaming mamamayan si Erap kahit alam na nilang ito’y babaero, sugarol at tomador,’’ dagdag ko.

‘‘Yun na nga eh. Dahil sa maling pagpele ng tau, nagdorosa tuloy ang ateng inambayan ngayun,’’ ani Dudong na bagama’t isang anak-pawis ay kilalang anti-Erap sa aming lugar.

Aniya pa ‘‘ang taong babairo, sogarul at maheleg sa toma ay hindi maaasahang mamono nang maayus sa ateng bansa.

‘‘Mantakin mo na kung ang pirang ipinampatayo sa mga mansyun niyang para sa kanyang mga tsikabebs ay ginastus sa pagpapagawa ng morang pabahay, edi daming iskwater ang makekenabang,’’ himutok ni Dudong na nakatira lang sa isang barung-barong sa ibabaw ng isang mabahong estero.

Kay daming nalalaman nitong si Dudong. Basta anomalyang sangkot ang mga kaanak ng Pangulo’y batid niya.

Aniya pa ‘‘At alam mo ba na ang Yonimart Grenhels Siyapeng Sintir ay nabili na pala ni Jenggoy?

‘‘Ah. Unimart Shopping Center sa Greenhills. So ano’ng masama roon?" balik-tanong ko sa kanya.

"Porbida. Ang ibinayad daw sa tin hiktars na propete ng mga Ortigas ay ilibin bilyun pisos!’’ bulalas ni Dudong.

‘‘Eleven Billion? Aba’y kuwentong barbero na iyan. Laking halaga naman. Mas masahol pa sa P1.165 billion Expo scam na kinasasangkutan ni Tabako Eddie,’’ ika ko.

‘‘Basta kuwistyonabol sa ’ken iyan. Habang nagdorosa kaming maherap, nagpapasasa naman sila sa kapangyarehan,’’ anang pobreng si Dudong.

Sa ganang akin naman, maghintay na lang sa resulta ng impeachment. Tutal sinabi ni Erap na igagalang niya ano man ang resulta nito. Wait and see tayo bay.