Government offical na naging topic sa Balitang Special inatake sa puso

ALAM n’yo bang inatake sa puso ang isang government official na naging topic dito sa Balitang Special?

Ayon sa aking bubuwit, 51 days na lang at Pasko na naman.

Happy birthday muna kina VW John Llamas, Bro. Rafael Soriano, Bro. Many Bravao at Omeng Fargas.

* * *

Alam n’yo bang inatake sa puso ang isang government official na naging topic ko rito sa Balitang Special?

Sir, sorry po. Hindi ko sinasadya na kayo ay magkasakit. Trabaho lang, Sir. Get well soon na lang, saang ospital man kayo naroroon. Huwag naman kasing masyadong matulis, Sir. Nasobrahan mo yata.

Huwag mo naman kasing gagayahin ’yung isa pang government official. Beterano na yun.

Ayon sa aking bubuwit, ang nasabing opisyal na inatake sa puso ay ang board member ng isang probinsiya na may kambal na chiching. Tinuhog nito ang magkapatid na kambal.

Nabuking ang government official ng kanyang misis dahil sa text message ng isa niyang chiching. Nabasa ng kanyang misis ang text habang ito ay naliligo.

Ang laman ng message ay ganito: ‘‘Honey, I miss you. Kailan ka pupunta rito, hihintayin kita mamayang gabi. Kelan ba luluwas ang misis mo. I Love you.’’

Dahil sa text message inaway ni Misis si Sir. Ibinalibag pa nito ang cell phone habang naliligo si Sir.

At bukod diyan, maghihiwalay ngayon ang mag-asawa

Kumunsulta na kaagad ng lawyer si Misis at inaayos na ngayon ang hatian sa kanilang conjugal properties.

* * *

Ayon sa aking bubuwit, dahil inaway nga ni Misis si Sir at humantong pa ngayon sa kanilang paghihiwalay, inatake sa puso si Sir.

Mabuti na lamang at nadala kaagad ito sa isang ospital sa Quirino province. Mukhang masamang damo si Sir. Ayaw pa siyang kunin ni Lord.

Anyway Sir, humihingi po ako ng paumanhin sa nangyari sa inyo. Mag-iingat po kasi kayo. Get well soon, Sir.

Ang government official na inatake sa puso ay walang iba kundi si…

Board member S.L. as in Salawahang Lalaki ng Quirino Province.