Hatol ni APOSTOL - Ano ang 'notice of lis pendens' ?

ANG sulat ay galing kay Valentin Santiago.

Ano po ang ibig sabihin ng notice of lis pendens sa likod ng TCT civil case no. Q-2913, CFI of QC?

Ang notice of lis pendens ay isang notisya na nakatala sa register of deeds na mayroong nakabinbing aksyon tungkol sa ‘‘title of right of possession of real property‘’ na nilalarawan ang ari-arian o lupa na sangkot sa aksyon; Pangalan ng mga kasali sa aksyon at ang bagay ng aksyon (object of the action or defense) – Upang masali ang mga susunod na mga bibili (purchasers of encumbrances).

Ito ay parehas sa prinsipyong ‘‘caveat emptor’’ na ang ibig sabihin ay isang babala sa mga mamimili na dapat hindi sila ignorante o mangmang na binibili nila ang karapatan ng iba.

Ang nakatatak pong civil case no. Q-2913, CFI of QC, instituted on March, 1958. Sa aking pagsisiyasat nakabinbin po ito ngayon sa QC RTC branch 76 for petition of reconstitution of title na sinampa ni Arturo N. Tan. Kung natandaan mo Mr. Santiago, nasunog ang Quezon City Hall kaya’t may mga petitions for reconstitution of title.