16 ka usher sikop sa managlahing operasyon batok illegal swertres
CEBU, Philippines — Mikabat sa 16 ka mga usher ang gitanggong sa bilangguan human sila naatlan nga nag isyu og ilegal nga swertres sa nagkalain-laing dapit sa Probinsya sa Sugbo.
Unang operasyon gihimo didto sa Purok Dama De Noche, Brgy. Dawis Sur, lungsud sa sa Carmen diin nasikop si Rolando Escario Sablas, 47 anyos, minyo taga Barangay Looc, dakbayan sa Danao.
Ang kapolisan sa siyudad sa Toledo nidakop sab ni Charlette Selma Bahena, 49 anyos, minyo nga taga Barangay Talavera, dakbayan sa Toledo.
Unom ka usher sa ilegal nga swertres ang nasikop sa lungsod sa Liloan ug nakuhaan sila og kagamitan sa pagpang isyu og ilegal swertres.
Samtang sa lungsod sa Asturias nasikop si Bryan Salmorin Pogoy, 30 anyos, ulitawo taga Barangay Looc Norte.
Sa lungsod sa Medellin, lima ka babaye ug usa ka lalaki ang gisignit didto sa Purok Sta. Cruz, Barangay Antipolo.
Ang nangasikop mao sila si Mary Gay Dela Peña, 43 anyos; Gorlie Bueno, 43 anyos; Charis Clyn Cericon, 37 anyos; Paquito Osabel, 62 anyos; Merry Jean Osabel, 21 anyos ug Purification Osabel, 61 anyos. —/MEL (BANAT NEWS)
- Latest
