Hiyasmin (135)

“Walang magkagusto, ha-ha-ha!’’ sagot ni Dax.

“Nanliligaw ka?’’ tanong ni Hiyasmin.

“Hindi!’’

“Paano ka magkaka-gf e hindi ka naman pala nanliligaw?’’

“Wala ngang matipuhan.’’

“Ah pihikan ka, Sir Dax.’’

“Oo nga. Tama ka! Yun ang exact word—pihikan ako!’’

“Bakit naman?’’

“E gusto ko yung swak na swak sa pamantayan ko.”

“Mataas ba ang pamantayan mo, Sir Dax?’’

“Hmmm, medyo.’’

Napangiti na lang si Hiyasmin at pinagpatuloy ang pagwawalis.

“Ba’t mo naman naitanong, Hiyasmin?’’

“Wala lang—basta naisip ko lang itanong.”

Napatangu-tango si Dax at pinagpatuloy ang pagbabasa.

Pero nang nag-iisa na siya sa salas, nag-isip siya sa mga mausisang pagtatanong ni Hiyasmin.

Bakit pati ang tungkol sa gf ay naitanong sa kanya?

Bakit biglang naging interesado roon?

(Itutuloy)