Awas sa kaguliyang sa Masbate
May sukaranan ang kahadlok nga niawas na sa Sugbo ang duguong kaguliyang sa politika sa silingan natong lalawigan sa Masbate. Kini tungod sa pagbanhig ug pagpatay sa kapuyo sa mayor sa lungsod sa Pio V. Corpus (PVC) nga si Herminigildo “Minil†Betonio III. Nasamdan sa samang insidente apan luwas na sa kakuyaw ang igsuon sa mayor ug konsehal sa PVC nga si Leni Betonio-Ezer.
Si Betonion apil ipagkabise mayor sa PVC sa piniliay niadtong 2010. Igo lang ni puli sa katungdanan nga nabakante human sa resignasyon sa karaang mayor nga si Diomedes Amaroto Sr. Gitumbok ni Amaroto ang suliran sa iyang kahimsog. Apan padayong gikuwestiyon sa ilang mga kaatbang ang legalidad sa promosyon ni Betonio.
***
Si Betonio mao karon ang usa sa labing higpit nga politikanhong kaatbang ni Masbate Governor Rizalina Seachon-Lanete. Kinsa niinsistir nga kinahanglan pa nga iyang dawaton ang resignasyon ni Amaroto una mahimong epektibo. Apan wa ning kapugong nianhing DILG Secretary Jesse Robredo pagpapanumpa ni Betonio.
Si Lanete nga kanhi magtutudlo sa inilang unibersidad dinhi sa Sugbo may sukaranan nga mahimangod sa liderato sa PVC, nga maoy iyang lungsod nga natawhan ug busa mao gyud untay mamahimong sukaranan pagpalig-on sa iyang liderato sa Masbate. Kay iyang kamanghorang anak maoy gipilde ni Amaroto pagka mayor niadtong 2010.
***
Di na bag-o ang duguong mga insidente alang ni Betonio. Sa iyang pagdagan pagkabise mayor sa PVC niadtong 2007, gipusil patay sa armadong mga tawo ang duha niya ka lider--silang Bernabe Serafin ug Michael Sanchez. Niabot og 15 ang nangamatay sa Masbate niadtong eleksiyona.
Si Betonio kusganong ni pasangil sa kasundalohan sa 9th Infantry Batallion sa Masbate nga nagpagamit isip bodyguards sa dinastiya ni Lanete ug sa iyang mga anak nga silang Placer Mayor Joshur Judd Lanete ug Kongresista Scott Davies Lanete sa ikatulong distrito. Pila ka adlaw sa wa pa ang pagpamanhig sa Sugbo, gatosan ka ilegal nga mga armas ang nasakmit sa kapolisan sa Masbate.
***
Si Betonio nakiglambigit na sa kapolisan sa Sugbo nga padayong nagsusi sa pagpamanhig. Kumbinsido si Betonio nga nahilambigit ang politika sa duguong insidente. Giawhag niya ang kapolisan sa Dakbayan sa Sugbo sa paghigpit sa seguridad sa iyang igsuon tungod sa kabalaka nga tiwasan sa iyang mga kaatbang.
Si Lauron lima kabuwan nga nagsabak sa anak nilang Betonio sa iyang pagkamatay. Nangagpas ang mga imbestigador nga pagpahiling sa iyang gisabak maoy tuyo sa ilang biyahe sa Sugbo. Taxi driver nga ilang nasakyan nakabat ini Leninganag tiyabaw pagkaigo nani Lauron sa dughan ug sa iyang bukton, "Ma, wala gi unta ta manganhi sa Cebu, nag-monitor diay sila!"
***
Email: [email protected]
- Latest
