Nagkuha’g police clearance gidakop
CEBU, Philippines — Wala na maka-apply og trabaho ang usa ka 32-anyos nga lalake human kini gidakop kay duna kini alias warrant of arrest dihang nikuha siya og police clearance sa Mabolo Police Station 4 Cebu City Police Office (CCPO).
Ang gidakop mao si David Caranzo, 32, taga Lungsod sa Madridejos apan kasamtangan nga nagpuyo sa Back GMA, Barangay Apas ning siyudad.
Nahitabo kini alas-5 sa hapon niadtong Miyerkules, Nobiyembre 19, 2024 sa National Police Clearance Office sa Mabolo Police Station.
Si Executive Judge Antonio Marigomen sa Regional Trial Court Branch Marcelo B. Fernand Palace of Justice Branch 61 sa Dakit, Dakbayan sa Bogo ang nag-issue sa alias warrant of arrest sa kasong Robbery with Force Upon Things penitsahan Agosto 22, 2013 ug dunay piyansa nga girekomendar nga P24,000.
Matud pa niadtong 2010 nahitabo ang maong krimen didto sa Isla sa Bantayan. Nikuha sa og police clearance ang dinakpan aron unta gamiton sa pag-apply og trabaho. IBM BANAT NEWS
- Latest
