Rehabilitasyon ng EDSA, pag-usapan –Motorcycle Dealers
MANILA, Philippines — Nanawagan ang Motorcycle Dealers Association of the Philippines (MDAP) sa Department of Transportation (DOTr) na magpatawag muna ng pulong sa stakeholders bago simulan ang planong rehabilitasyon sa kahahaan ng Edsa.
Ayon kay Edwin Go, Presidente ng MDAP kailangang pag-usapang mabuti ang EDSA rehabilitation dahil marami ang maaapektuhan nito hindi lamang ang kabuhayan ng maraming pilipino at ekonomiya ng bansa.
“So pag naisara ‘yang Edsa, wala na..ang laking epekto nyan sa lahat laluna sa ekonomiya” sabi pa ni Go.
Nirekomenda rin nito sa DOTr na ibukas sa mga motorsiklo ang bicycle lane sa Edsa habang ginagawa ang rehabilitasyon upang makatulong na makabawas sa matinding traffic na lilikhain ng EDSA rehabilitation.
Aniya hindi na gaanong nagagamit ng mga bikers ang bicycle lane kaya’t dapat sana ay ipagamit din ito sa mga motorsiklo sa panahon ng rehabilitasyon.
- Latest
