Chinese New Year ipinagdiwang ng Quezon City LGU
MANILA, Philippines — Pinangunahan kahapon ng Quezon City government ang grand celebration ng Chinese New Year sa Banawe Quezon City kung saan tampok ang suporta ng lokal na pamahalaan sa pagpapalakas ng local tourism at maipakita sa mga bisita ang isang kakaibang kasaysayan, kultura at modern attractions sa lugar.
Nabatid na mas kapana-panabik at makukulay ang mga aktibidad na inihanda ng QC LGU para sa mga pagtatanghal sa Miyerkules, Enero 29 na sisimulan ng Dance Fit session at susundan ng Ribbon Cutting na pangungunahan ni Mayor Joy Belmonte na senyales ng paglulunsad ng redesigned City Chinatown bilang isang key cultural, tourism, at commercial hub.
Nasa 50 food at non-food businesses ang magpapamalas ng QC’s artisanal delights gayundin ng isang gallery na may wishing tree, 360 Photobooth, at predictions na inaasahan ngayong Year of the Wood-Snake ang nasa kahabaan ng Banawe, mula Del Monte Avenue hanggang Scout Alcaraz Street. Susundan ito ng isang traditional Dragon at Lion Dance at Streetdance Competition na kakikitaan ng mga talento ng mga kabataan ng QC.
May mga performances sa bandang hapon mula sa Chinese Face Changing artist, Ice Seguerra, Kyle Echarri, at Jed Madela na magpapatingkad ng okasyon. Asahan din ang spectacular Fireworks Display na paiilawin sa gabi sa special episode ng Usapang QC na itatampok si Feng Shui Master Hanz at QC Tourism Department Acting Tourism Operations Officer Giana Barata bilang backgrounder ng Banawe Chinatown.
Magbibigay din ng mensahe si Mayor Joy Belmonte kaugnay ng okasyon na mapapanood sa official QC Government Facebook Page.
- Latest
