Bangkay ng lalaki natagpuan sa Maynila

MANILA, Philippines — Isang wala ng buhay na lalaki ang nadiskubre sa pintuan ng isang residential house, sa Sta. Mesa, Maynila, Sabado ng umaga.

Sa ulat ng Manila Police District-Homicide Section, ang biktima ay inilarawang nasa 40-50 anyos, nakasuot ng itim na t-shirt at puti ang shorts.

Ayon sa imbestigasyon, dakong alas-10:40 ng umaga nang madiskubre ng isang alyas Michael, sa tapat ng bahay niya sa R. M. Boulevard , Barangay 593, Sta. Mesa.

Sinabi ni Michael kay PMSg Roderick Magpale, investigator on case, nakita pa niyang buhay ang ‘di kilalang lalaki na umiinom  ng kape alas-8:00 ng umaga, at nang muli siyang lumabas para i-claim ang delivery ng parcel ay nakita niyang nakatihaya at wala ng buhay ang biktima.

Patuloy ang imbestigasyon sa kaso upang malaman ang ikinamatay ng biktima.