Estudyante hulog sa 6th floor ng condo

MANILA, Philippines — Patay ang isang estudyante nang mahulog mula sa kanyang tinutuluyang condomi­nium kahapon ng  madaling araw sa  ­Quezon City.

Batay sa pagsisiyasat ng Quezon City Police District-Criminal Investigation and Detection Unit (QCPD-CIDU) alas-3:17 ng madaling araw kahapon nang matagpuan ang  bangkay ng  biktimang si “Esci”, 18 sa canopy  ng ika-6 na  palapag ng  isang condominium sa EDSA, Brgy. Katipunan. QC.

Isang residente ang nakakita sa bangkay ng biktima kaya agad itong humingi ng  tulong sa mga pulis.

Lumilitaw na nagtamo ng mga sugat sa  iba’t ibang bahagi ng katawan  ang biktima.

Nadiskubre rin ang umano’y suicide note  at ilang bukas nang blister pack ng cetirizine tablets.

Patuloy naman ang imbestigasyon ng pulisya.