Online System para sa Driver’s License Card Requests, inilunsad ng LTO
MANILA, Philippines — Inilunsad ng Land Transportation Office-National Capital Region (LTO-NCR) ang bagong online system para sa mga request at nagtatanong ng availability ng Driver’s License Cards.
Ayon kay LTO-NCR Regional Director Roque “Rox” I. Verzosa III, ang bagong feature ay accessible sa official LTO-NCR website para sa mas mabilis at kumbinienteng solosyon sa mga kliyente na nais masuri ang kanilang card status at makapag- submit ng print requests para sa Driver’s License Cards backlog.
Anya kailangan lamang na bisitahin ang Driver’s License Card (Print Request for Backlog DL Cards) via https://www.ltoncr.com/dlcardrequest at Driver’s License Online Inquiry via https://www.ltoncr.com/dlcardinquiry.
“This online service is exclusively available to clients who have renewed or applied for their driver’s license at the LTO-NCR offices.The system enables users to request and claim their Driver’s License Cards only at the specific LTO office where the transaction took place. This ensures a streamlined process and improves overall efficiency in card distribution,” sabi ni Versoza.
Sinabi ni Versoza na ang option para sa request at pag-claim ng Driver’s License Cards ay available sa mga piling LTO offices sa Metro Manila.
Ito ay sa ibat ibang Driver’s License Renewal Offices (DLROs) sa Ali Mall in Cubao, Eastwood, at Robinsons Place Manila gayundin sa licensing centers tulad ng Quezon City Licensing Center at Caloocan Licensing Extension Office gayundin sa iba pang District/Extension Offices kabilang na ang Pateros Extension Office at La Loma District Office.
Anya, iaanunsyo sa susunod na mga araw ang iba pang LTO offices sa NCR ang bukas para sa programang ito.
- Latest
