Ginang, 1 pa arestado sa P1 milyong shabu
MANILA, Philippines — Arestado sa mga tauhan ng Quezon City Police District-District Drug Enforcement Unit ang dalawang ‘tulak’ matapos makumpiskahan ng aabot sa P1,088,000 halaga ng shabu sa magkahiwalay na buy-bust operation sa Quezon City.
Kinilala ni QCPD Director PBGen Redrico A. Maranan, ang mga suspek na sina Rowena Camua, 55, ng Brgy. 103, Maynila, at Lindsay Loterte, 51, residente ng Barrio Bareta, Olongapo City
Nauna rito nakatanggap ng tip ang DDEU sa illegal drug peddling activity ang mga suspek.
Dakong alas-4:35 ng madaling araw kahapon nang ikasa ang buy-bust operation sa General Lim, Brgy. Sta Cruz, Quezon City at nagresulta sa pagkakadakip kay Loterte. Nakuha dito ang 105 gramo ng shabu na nagkakahalaga ng P714,000, isang cellphone, bonnet at buy-bust money.
Nauna namang natimbog si Camua sa parehong address at makitaan ng 55 gramo ng shabu na nagkakahalaga ng P374,000, isang cellular phone, isang coin purse, isang booklet, isang ID card at ang buy-bust money.
Kakasuhan ang dalawang suspek ng paglabag sa R.A. 9165 o “The Comprehensive Dangerous Drugs Act of 2002” sa harap ng Quezon City Prosecutor’s Office.
- Latest
