PDP, INC molusad og Peace Rally pagsuporta kang VP Sara

CEBU, Philippines — Ang Partido Demokratiko Pilipino (PDP) ug Hakbang ng Maisug sa Cebu nga gipanguluhan ni PDP-Laban gubernatorial cc candidate Pamela Baricuatro mosalmot sa “National Rally for Peace” nga giorganisa sa Iglesia ni Cristo (INC) nga mahitabo sa South Road Properties (SRP), Cebu, karong Enero 13, 2025.

Si Baricuatro nagkanayon nga ang INC nagtuo nga mahitabo gyud kining impeachment ni Vice President Sara Duterte ug kini ang rason nganong sila molusad og rally karong Lunes.

Ang rally mahitabo sa lain-laing siyudad sa tibuok Pilipinas ug gilauman nga tambongan sa 10 milyones ka tawo.

Sa Cebu, sugdan kini sa alas-3 sa hapon ug salmotan sa grupo sa Hakbang ng Maisug, ubang nga organisasyon gikan sa probinsya sa Sugbo.

Sa opisyal nga pamahayag sa movement nga Hakbang ng Maisug niadtong Enero 3 pinaagi sa Facebook post, si Baricuatro miingon nga ang pag-impeach kang VP Duterte usa ka kulminasyon sa dul-an sa duha ka tuig nga pag-atake batok sa bise presidente.

"These attacks on her, her father, former President Rodrigo Duterte, her OVP staff and her supporters, are meant to weaken, destroy and ultimately take her out before the next presidential race by foul means," matud niini.

"These attacks are also meant to deflect and hide the real issues facing the nation - bad governance, plunder, abuse of power, neglect of the people’s welfare and risking the nation in a proxy war," dugang pa.

Matud pa niini nga kining mga aksyon makita usab sa lain-laing mga desisyon sa administrasyon, sama sa pagpirma ni Presidente Ferdinand Marcos Jr. sa 2025 budget  nga matud niya dunay mga kalapasan sa Konstitusyon, lakip usab ang pag-reorganisar sa National Security Council nga nagtangtang kang VP Duterte ug mga kanhi presidente isip regular nga miyembro.

Matud ni Baricuatro nga ang Hakbang ng Maisug magpadayon sa pag-expose niining mga isyu ug magpalig-on sa ilang baruganan batok sa gihulagway nilang dili makiangayong buhat sa gobiyerno.

Nagpasalamat sab sila sa INC sa pagsupak sa impeachment kang VP Sara.

Ang umaabot nga rally karong Lunes, abli para sa tanan, nagsuporta man sa PDP o Hakbang ng Maisug, busa giawhag ang tanan sa pagtambong.   IBM BANAT NEWS