Hiyasmin (157)
“PUWEDE ang sinabi mo na may lalaking may gusto sa iyo pero hindi makapagtapat dahil nahihiya,’’ sabi ni Dax kay Hiyasmin.
“Yun kaya ang ibig sabihin ng panaginip ko?’’
“Maaring yun. Meron ka pa bang naiisip na iba pa?”
Umiling si Hiyasmin.
“Baka nga tama ang sinabi mo Sir Dax na mayroong may gusto sa akin pero hindi lang makapagtapat at nahihiya.
“Yun ang ibig sabihin ng panaginip mo at wala nang iba pa.’’
“Pero sino naman kaya ang lalaking iyon na may gusto pero natitiyope?”
Nag-isip si Dax.
Maya-maya ay nagtanong.
“Wala ka bang napapansin sa mga kasamahan mong lalaki sa opisina n’yo?’’
Nag-isip si Hiyasmin.
“Wala akong napapansin, Sir Dax.’’
“Walang nagpaparamdam?’”
“Wala.’’
“Walang humahabol ng tingin sa iyo kapag nagdaan ka sa tapat nila?”
“Wala akong napapansin.’’
“Walang sumisipol?”
Nagtawa si Hiyasmin.
“Bawal ang sumipol di ba? Kaso yun. Puwedeng kasuhan ang sisipol o magsasabi ng patungkol sa babae.’’
“A oo nga—bawal yun.’’
Nag-isip si Hiyasmin.
“Wala talagang nagpaparamdam na may gusto sa akin.’’
Napangiti si Dax.
“Sino kaya ang lalaki na may gusto sa’yo pero ayaw magtapat?’’
“Hindi ko alam Sir Dax.’’
“Hindi kaya ako yun?”
Napamaang si Hiyasmin.
Itutuloy
- Latest
